25-чу апрелехь Знаменски №10 йолчу гимназин хьарме кхаьчначунна кхета хала дацара кхузахь доккха Дезде дуй хаа. Нохчийн духаршца кечбелла баьхкинчу мехкарша а, кегийчу наха а къагийнера майда.

Доггаха декара ненах маттах байташ йоьшучу дешархойн аьзнаш. Х1ораннан а дагах кхеташ дара ненан маттахь эшарш лоькхучу мехкарийн аьзнаш а.

     Массо а х1уманал а догкарзахдоккхуш дара «Нохчийн мотт безарна, ларарна, 1аморна, кхиамаш бахарна» лерина гимназин куьйгалхочо

И.Ц. Султахановс Сийлаллин грамоташ а, нохчийн гоьбевллачу яздархойн киншкаш а ялар. Къаьсттина билгалдехира тайп-тайпанчу къовсадаларшкахь хьалхара меттигаш яьхна бераш.

     Довха дешнаш карийра дешархошна а шайн ненан меттан хьехархой декъалбан.

     Вовшахкхетар дерзийра, уьссалг1ачу классера дешархочо, Катиев Дукхавахас,  Шайхи Арсанукаевн дешнаш т1ехь даьккхина «Ненан мотт» илли аларца.

     Вайн массеран а декхар ду меттан доладар, и кхиор а, цуьнан сий дар а.

Дала ненан мотт безарехь ч1аг1дойла вай! Оьзда а, г1иллакхе а бийца к1орда ма дойла цкъа  а