Знаменски №10 йолчу гимназехь бекарг беттан дейтталг1ачу дийнахь 6б классера дешархошца йиллина литературин урок д1айаьхьира нохчийн меттан а, литературин а хьехархочо Султаханова Зураа. Дикаев Мохьмадан «Сан Даймохк» ц1е йолчу темина леринчу урокехь доггаха декара дешархойн аьзнаш, Даймахках байташ йоьшуш. Маь1не йара кегийчу мохкбезархоша ненан маттах а, Даймахках а йазйина сочиненеш а. Халкъан барта кхолларалла а шайна хийра йоций а хаийтира цара далийначу кицанашца. Цхьаъ йу нана, цхьаъ бен хила йиш йац ненан мотт а, Даймохк а. Дала цунах кхета хьекъал а, доьналла а лойла вайна, маь1на дарца дирзира вовшахкхетар.